MILITES Regis

MILITES Regis

apud Scriptores Francicos dicuntur Milites, qui ex domo Regia et ex eius peculiari familia erant ac stipendiis honorati: cuiusmodi complures in Veterib. Chartis recensentur, Gall. Chevaliers de l'Hostel du Roy. Sic exstat Charta Alberti Imperatoris 3. Id. Decembr. A. C. 1299. quâ Hugonem de Bovilla Cambellanum Regis Franciae, in suum Militem et Domesticum adsciscit hisce verbis: Ad personam nobilis Viri Hugonis de Bavilla, magnifici Prineipis D. Philippi Regis Francorum illustris Camerariinobis dilecti ramos nostri favoris latius extendentes, ipsum in nostrum familiarem et Militem duximus assumendum, volentes ut ubicumque locorum, quae Romanum profitentur Imperium, nostrorum familiarium et Militum praerogativâ, gratiis, libertatibus et iuribus perfrui debeat, et gaudere praesentium testimoniô literarum. Similiter et Reginae aliaeque nobiles feminae, Milites suos habebant. Unde Theobaldus de Maung et Ferdinandus, Milites Reginae, subscribunt in Charta A. C. 1194. in Historia Monasterii Longipontis p. 104. etc. Hodie iisdem qui adsunt, manumque praebent ad eas deducendas, Gallis vulgo Chevaliers d'honneurs dela Reine, h. e. Milites Honorarii Reginae appellantur, Car. du Fresnein Glossar. qui de ritibus medii aevi,

quibus Militum ordini initiabantur, deque variis Militum generibus, copiose ac erudite ibidem disserit. Vide quoque hîc passim, ubi de Armis, Bello, Stipendio etc.